Bağırsaq qanaxmaları və anal çatlar
Bağırsaq qanamaları düz bağırsağın son qismi – “anal nahiyə” dediyimiz bölgədən olan qanaxmalardır.
Bu qanaxmaların bir çox səbəbi vardır. Həm xoşxassəli, həm də bədxassəli xəstəliklər səbəbi ilə anal bölgədən qanaxmalar ola bilər.
Bunlarda önəmli nöqtə odur ki, yaşından və yaranma səbəbindən və yaxud da yaranma zamanından asılı olmayaraq hər hansı bir zamanda bağırsaq qanaması olan şəxslər mütləq həkimə müraciət etməlidirlər.
Həkim məsləhəti ilə, həkim görüşü ilə onlarda hansı xəstəliyin olduğuna qərar verilib, ona yönəlik müalicə başlanmalıdır.
Anal bölgədə qanaxmalara səbəb olan xəstəliklərin bir dənəsi də anal çatlardır. Anal çat daha çox qəbizlik sonrası başlayan, qəbizliklə bərabər qatı nəcis kütləsinin anal kanaldan keçməsinə bağlı orada yaranan yırtıqlardır. Buna “anal çat” deyirik.
Anal çatın iki növü var: 1) kəskin anal çat, 2) xroniki anal çat. Bu da xəstəliyin başlama zamanına görə dəyişir.
Anal çat xəstəliyinin əlamətləri nələrdir?
Anal çat xəstəliyinin əlamətləri bir tək qanaxma deyil, bərabərində şiddətli ağrıdır. Nəcis ifrazı zamanı, defekasiya zamanı əmələ gələn, bir neçə saata qədər davam edə bilən şiddətli ağrılardır.
Əgər anal çat yarandıqdan sonra 4-6 həftə müddətində davam edirsə, biz buna “kəskin anal çat” deyirik, 4-6 həftədən daha uzun müddət davam edirsə, buna “xroniki anal çat” deyirik.
Bunun əhəmiyyəti nədən ibarətdir?
Xəstələr zamanında həkimə müraciət etdikləri zaman onlarda əgər anal çat aşkar olunursa və bu kəskin mərhələdədirsə, bu xəstələrin 90 faizi dərman müalicəsindən effekt görürlər, dərman müalicəsi ilə bunların 90 faizində sağalma müşahidə olunur.
Əgər xəstələr zamanında müraciət etmirlərsə, anal çat yarandıqdan 4-6 həftə müddətdən daha uzun müddət davam edirsə, bu zaman bu xroniki anal çata çevrilir. Yəni yara sağalması prosesi pozulur və xroniki yara əmələ gəlir.
İlk 4-6 həftədə dərmanla sağalma mümkündür
Xəstəliyin kəskin və xroniki anal çat olmasının əhəmiyyəti nədən ibarətdir?
Kəskin mərhələdə xəstələr bizə müraciət etdikləri zaman, onlara diaqnoz qoyulduqdan sonra başlanan müalicə dərman müalicəsi ilə, yəni sadəcə medikal müalicə ilə onlarda 90%-də sağalma qeyd edilir.
Əgər xəstələr zamanında müraciət etməzlərsə, qohum-əqrəba və yaxud da yaxın tanış-bilişlərdən aldıqları müalicə ilə özlərini bir şəkildə müalicə etməyə çalışıb bu prosesi uzatdıqları zaman, 4-6 həftə keçdiyi zaman bu xroniki anal çata çevirir ki, xroniki anal çatda dərman müalicəsi ilə sağalma 30%-ə qədər düşür. Yəni xəstələrin 30 faizinə sadəcə sağalma, dərman müalicəsi ilə sağalma əldə edilir. Qalan 70 faizində xəstələrdə əməliyyata ehtiyac olur.
Yəni bağırsaq qanaxması olub, həkimə zamanında müraciət edən şəxslər, anal çat diaqnozu qoyulursa, onun zamanında müalicə edilməsi, əməliyyata ehtiyac olmadan dərman müalicəsi ilə bunu sağaltmaq mümkündür.
Anal qanaxmalar başqa xəstəliklərin də əlaməti ola bilər
Anal qanaxma ilə müraciət edən xəstələrdə bir tək anal çatlar deyil, başqa proktoloji xəstəliklər ola bilər. Hemoroidlər ola bilər, fistulalar ola bilər və yaxud da təcili əməliyyat tələb edən anal abseslər ola bilər.
Ona görə bağırsaq qanaxması olan şəxslər həkimə müraciət edib mütəxəssis müayinəsindən keçdikdən sonra onların məsləhəti ilə müalicələrini almasını məsləhət görürəm.
Anal çat müalicəsində botoks tətbiqi
Anal çatların müalicəsində bir tək medokomentoz (yəni dərman) müalicəsi və əməliyyat deyil, yeni metodlardan biri də botoks tətbiqidir. Yəni ki, xəstə əməliyyatxana şəraitində lakin hər hansı bir kəsmə proseduru icra etmədən anal əzələlərə icra olunan botulinum toksini (botoks) dediyimiz metodla xroniki anal çatların müalicəsi mümkündür.
Uzm.Dr.Zümrüd Əliyeva, ümumi cərrah
18 comments
İlkin
16 October 2022 at 11:10
Salam. Bağırsaqdakı qanaxmalarnan bağlı sizin hospitalda hansı həkimin müayinəsinə yazılmaq olar?
Ege Hospital
1 May 2023 at 14:43
Salam müayinə və müalicə üçün qastroentroloq həkimlərimizə, əməliyyat üçün ümumi cərrahlarımıza müraciət edə bilərsiniz.
Nur
25 May 2023 at 12:11
Salam qadın mədə bağırsaq həkiminin adın deyərsiz zəhmət olmazsa bidə əlaqə nömrəsin qeyd edin qəbula yazılmaq üçün
Ege Hospital
21 June 2023 at 16:32
Salam. Hal hazırda qadın qastroentroloq həkimimiz yoxdur.
Boriya
29 November 2022 at 19:54
Salam axşamınız xeyir sizdən bir söz soruşmaq isdeyirem mən necə edim həkimə gəlincə malice edim
Sahnaz
29 November 2022 at 19:55
Mən arxadan qan geldi qoruxdum vaxt edib gelecem necə malice edə bilərəm gelince
Sevil
20 February 2023 at 03:52
Salam. Məndə 16 yaşdan falan çox az hallarda qan görməyə başlamışdım, indi 18 yaşındayam uzun müddətdən sonra 3 günə yaxındı yenidən qan gördüm bu səfər çox olur nə etməliyəm?
Leyla
26 February 2023 at 20:18
Qəbzlik zamanı qanaxma olur və yemək yeyəndə ağrı müşahidə edilir,7-10 gün çəkir bu qəbzlik.Müalicəsi və səbəbi nədir?
Ege Hospital
21 June 2023 at 16:30
Salam, qəbizlik geniş spektrda araşdırılmalıdır, dəqiq diaqnoz üçün müayinə vacibdir.
Uzman Dr Günel Məmmədova, Ümumi, Süd vəzi, Koloproktoloq cərrah
Aylin
11 March 2023 at 22:23
Salam bes usaqlarda olan qan ziyanli ola biler
Ege Hospital
13 March 2023 at 21:23
Salam. Mütləq araşdırılması lazımdır.
Uzman Dr. Lalə Nəzərli, Pediatr
Rashad
21 March 2023 at 15:19
Məndə hər hansısa ağrı olmur, amma hər dəfə ayaqyoluna gedəndə 5, 6 dəqiqə biraz qanaxma olur və sonra kəsir. Bunun səbəbi nə ola bilər?
Ege Hospital
21 June 2023 at 16:34
Salam, çox güman ki, səbəb babasil düyünüdür, ancaq müayinə vacibdir. Bəzən xərçənglər də eyni şəkildə özünü göstərə bilir.
Uzman Dr Günel Məmmədova, Ümumi, Süd vəzi, Koloproktoloq cərrah
Nuray
24 March 2023 at 19:49
Salam dktor uzr isdyrem evvelceden mendede necis ifrasi zamani agri olur sonra bir qeder qanaxma olur sinra agri sakitlewir bu anal cat ola bileermi
Lalə
21 April 2023 at 00:00
Salam həkim.oğlumun 14yasi var onunda bağırsağında çat var.iki il əvvəl şamla kremlə müalicə aldiq.ama ara sıra ağrıları olur şam qoyduqda ağrısı keçir.buna nə etməliyik? Zəhmət olmasa cavabliyin
Ege Hospital
21 June 2023 at 16:35
Salam, müayinə vacibdir. Müayinə edildikdən sonra diaqnoz qoyulub, ona yönəlik müalicə başlanmalıdır.
Uzman Dr Günel Məmmədova, Ümumi, Süd vəzi, Koloproktoloq cərrah
Günel
13 August 2023 at 02:29
Salam 27 yaşım var məndə babasil var qebizlikde çox olur.3 gündür ki hər ağır işə çıxdığım zaman dayanmadan qan damcıları gəlir buda məni çox qorxudur.təxminən sebeb ne ola biler?
Ege Hospital
18 August 2023 at 16:39
Salam. Dəqiq səbəb demək üçün müayinə olunmağınız məsləhətdir.
Uzman Dr Günel Məmmədova, Ümumi, Mammoloq, Koloproktoloq Cərrah